Kæru foreldrar.
Boðað er til samstöðufundar kvenna undir kjörorðinu KJARAJAFNRÉTTI STRAX! mánudaginn 24. október og konur hvattar til að leggja niður störf frá kl.14.38 og sýna samstöðu á Austurvelli.
Konur eru með 29,7% lægri tekjur að meðaltali og fá þar með ekki laun fyrir síðustu 2 klukkustundir og 22 mínútur á degi hverjum.
Við í leikskólanum Gimli viljum standa með konum alla leið, enda vinnum við samkvæmt hugmyndafræði Hjallastefnunnar sem er fyrst og síðast jafnréttisstefna.
Vonandi náum við að rétta þetta bil í launamun kynjanna áður en stúlkurnar og drengirnir okkar sem við erum að kenna jafnréttishugsun fara út á vinnumarkaðinn.
Undirituð ætlar að sýna samstöðu og gera kennurum á Gimli kleift að leggja niður störf kl. 14:38 í þessar tvær og hálfa klukkustund og mótmæla kynbundnum launamun.
Því beinum við því til ykkar sem mögulega getið að sækja börnin fyrir klukkan 14:30 þennan dag.
Þið ykkar sem engan veginn sjá ykkur fært að sækja barnið ykkar fyrir kl. 14:30 vinsamlega hafið samband við undirritaða.
Með von um góða samvinnu sem og skilning,
Karen Valdimarsdóttir leikskólastýra á Gimli